الشهيد اسلام بكير شهيد الخانكه فيدوهات ووصور وتقرير للبطل

اسلام بكير
تاريخ الميلاد :1/3/1989
حاصل على ليسانس اداب قسم الحضارات الاوروبيه بتقدير مقبول لعام 2010

صفحه اسلام على الفيس بوك



Eslam Bakir
DOB: 01-03-1989
BA of Arts in European Culture , 2010

معلومات عامه عنها

خرج اسلام يوم 25 يناير للمشاركه مع الشباب الثوار الذين سيغيرون وجه مصر انطلاقا من ميدان التحرير بالقاهرة .. ميدان الشهداء الذى شهد اعظم ثورة حقيقية فى تاريخ الوطن .. زى كل الشباب اللى فى الميدان كان بيطالب بالحرية ومحاربة الفساد والقمع والتعذيب والبطالة .. كان بيطالب بحقوقنا كلنا وان يكون بكرة أحسن من امبارح والنهاردة ..

شارك بضمير معاهم اتضرب بالرصاص المطاطى فى رجله يوم 25 يناير لكنه ماخافش ولا اتهز ولا تراجع عن المطالب اللى بنحلم بيها..رجع اسلام بيته وهو حالف انه يكمل اللى بدأه وكأى شاب حاسس بالظلم والقهر شارك فى جمعه الغضب يوم 28 يناير شارك بقوة اكبر وكان زيه زى كل الموجودين بيحلم بوجود القوات المسلحه لحمايتهم من الشرطه واللى كانت بتعمله فيهم. ولكن للاسف القتلة المجرمين اللي افسدوا حياتنا وقتلوا احلامنا من الشرطة الفاسدة اطلقوا يوم 28 يناير 2011 على ظهر اسلام خمس رصاصات حى .. يعنى اللى ضربه ده جبان ماكانش عنده الشجاعة ولا الرجولة ان يواجه هذا الشاب الأعزل وجها لوجه .. مات اسلام شهيدا على أمل ان يتحقق حلمه وحلم 85 مليون في التغيير حتى ولو كان الثمن حياته .. احنا كلنا بنفتخر ان عندنا رجاله زى اسلام دافع عن حلمنا لأخر نفس فى حياته. افضل جايزة حصل عليها هى الاستشهاد فى سبيل الله مدافعا عن الحق ومدافعا عن سلامه وطنه وحق الأجيال القادمة في حياة كريمة.

يقول عنه أحمد الأمين:"إسلام بكير كان من اشجع الناس فى بلدنا، على الاقل كان أشجع من كل الذين اختاروا ان يستخبوا فى بيتوهم مثل الفيران و تركوا الميدان للاسود امثاله"