والأداة دي بتستخدمها عشان يكون عندك نسختين من الفيفا علي ويندوز واحد واحدة تلعب بيها أون لاين وواحدة بيها الباتشات اللي تحبها
صور الأداة
*مفاجأة* السوبر باتش لفيفا أداة نسختين
طريقة التسطيب
لازم يكون عندك الأول فيفا 11 بدون باتشات خالص ما عدا طبعا الباتش الرسمي 1.01 وده سطبه عادي ومتسطبش حاجة تانية دلوقتي
روح بقي للأداة وافتح الملف عادي وسطبه زي أي باتش حيقولك حياخد نسخة BACKUP احتياطية من الفيفا اللي عندك ويخليك تختار مكان ليها ودي حتبقي الفيفا الأصلية بتاعك
بعد كده حيخلص تسطيب وتروح انت فاتح الاداة وتختار الصفحة دي
اللي ناحية ايدك اليمين النسخة الأصلية والشمال نسخة الباتشات
حتلاقي عندك في كل جنب اختيارين SWITCH خليك مع اللي فوق SWITCH TO Fifa FOLDER ONLY ودوس علي اللي يعجبك وشغل النسخة اللي علي كيفك ولما تعوز تلعب اون لاين شغل اللي علي اليمين ولما تعوز تلعب مع نفسك بنسخة الباتشات شغل اللي علي الشمال وسطب الباتشات اللي انت عاوزها وعيش حياتك
الصورتيين التانيين للأداة هما الصفحات اللي بتشغل منها النسخة اللي تعجبك
انا طبعا عامل كده عندي ومفيش ادني مشكلة في الاون لاين
وبكده قبل تسطيب السوبر باتش لازم لازم لازم تشغل النسخة اللي في الشمال اللي هي PATCH Version وتروح بعدها مسطب السوبر باتش 11
والف مبروك عليكم
رابط تحميل الأداة
[ندعوك للتسجيل في المنتدى أو التعريف بنفسك لمعاينة هذا الرابط]أي مشاكل مع الباتش أو التحميل بلغوني
وكالعادة بقول الموضوع حصري لمصريين دوت كوم
واللي يحب ينقله أحمله أمانة ذكر المصدر في عنقه الي يوم الدين
وأخيرا أرجو ألا تلهيكم الفيفا أو غيرها عن ذكر الله وعن الصلاة
والسلام عليكم ورحمة الله وبركاته
موضوع: FIFA 11 Version Switcher TOOL 
