ازاى اقدم على امتحان ال ICDL؟؟ ازاى ازاكــــر للامتحان؟؟ فيـــــن اقدم على امتحان ال ICDL؟؟ اسهل وابسط شرح ممكن تلاقيه للاجابة على كل اسالتك

طبعــــــا معظم الشباب دلوقتىى بتدور ازاى هتمتحن الICDL اللى طالع فالمقدر جديد كدا
وكلنا حاسين اننا تايهيــــــــــن
لالا متهوووش ولا حاجة
هنا ان شاء الله كبســــــــولة
فيها كل حاجة ممكن تحتاجها وشرح مش ممكن تلاقى ابسط من كــــــــدا
على لسان ناس امتحنت وخاضت التجربة دى

اولا : ازاى اقدم ليها علشان امتحن

بيتهيالى انه مش ينفع حد يقوول عاوز اخد Course ICDL وله ايه بص يا سيدى ادخل على ال link ده

[ندعوك للتسجيل في المنتدى أو التعريف بنفسك لمعاينة هذا الرابط]

واعمل registeration ولما تخلص ال registeration اطبع الورقة اللى فيها بياناتك وخد معاك صوره البطاقة وصوره الكارنيه بتاع السنادى وصورة ليك والورقة اللى طبعتها وروح المكتب بتعهم (المكاتب موجودة بكليات الحاسبات والمعلومات للطلبة فالجامعات ) وقولهم انك عاوز تقدم و هما هيقومو بالواجب
كده انت قدمت والحمد لله

ثانيا : امتحن ازاى وايه نظام الامتحان ؟؟
بص يا سيدى ال ICDL عبارة عن 7 Modules و اكتر حاجة ينفع تمتحنها فى اليوم 3 Modules
انت بقى تروح فى المكتب بتعهم وتقولهم انك عاوز تحدد مواعيد امتحانات وانت اللى بتحدد اليوم و الساعة اللى عاوز تمتحن فيهم يعنى كله فى اللذىذ بس خد بالك لازم تخلص الامتحانات ده خلال شهرين من بدايه اول امتحان يعنى انت ممكن تمتحن الICDL كلها فى 3 ايام بس وانت بتنقى المواد نقى مواد سهلة مع مواد صعبة مش تخلى الصعبة مع بعضها يعنى مثلا

خد اول يوم Power Point, Windows, Net
تانى يوم Access, Excel
ثالث يوم IT , Word

ثالثا : طيب انا ادمت على الامتحان ادخل ازاى من غير ما افهم هاعمل ايه؟؟

بص بقى انا اعرف ناس كتير دخلت وكل اللى هتعمله انك تزاكر الامتحانات اللى فى ال link ده YaLaGaM3A

اصحابى كلهم زاكروها ولما تروح تمتحن هتلاقى كل الامتحان جاى منها ان شاء الله يعنى زى ما بيقولو كبسوله فيها الشفا كل امتحان قبل ما تدخله محتاج ساعة واحدة تزاكر الامتحان بتعها اللى هنا بس بص مش تقرا السؤال و الاجابه لا يا شاطر كده انت مش بتزاكر كده انت بتضحك على نفسك و هتقوول انا اللى قلت و تدبسها فيا مش كده لا انا بخلص ضميرى من دلوقتى انت تقرا السؤال و تخبى الاجابة وتعمل السؤال عملى ده مهم جدا علشان مش تنسى ولو مش عرفت تعملو لوحدك بص على الاجابة وبرده اعملها عملى كده ان شاء الله تبقى زاكرت كويس و تعرف تحل فى الامتحان

رابعا: طيب انا قدمت وزاكرت و روحت امتحن ايه بقى النظام هناك؟؟
بص بقى انت تروح زى الباشا واثق من نفسك فالمكان اللى انت قدمت فيه وتسال على مكان الامتحان
تروح هناك و معاك البطاقة و كارنيه الكليه بتاع السنادى تروح فى المعاد اللى حددته هينادو على اسمك تدخل تقعد على اى جهاز و متلعبش فى حاجة وزى ما يقولو اعمل تعمل و مش تدوس على حاجة الا لما يقولو هيجى مهندس ويتاكد من بياناتك و شخصيتك و بعدين يفتحلك الامتحان انت هنا بتمتحن online تخلص امتحانك و تعرف النتيجة ناجح ان شاء الله و تسيب النتيجة مفتوحة اوعى تقفلها والا الامتحان هيروح عليك اصل بعد ما حضرتك بتمشى بييجى حد و يشوف النتيجة و يسجلها فى ملف باسمك هناك على فكرة النجاح من 75 والنهائى من 100 هو بسيجل انك نجحت و خلاص مش بيسجل الدرجه كام مش هتفرق 75 عن 95 المهم انك نجحت
- الملف ده انت بتاخد رقمه لما بتروح تسجل والمفروض انك تكون حافظه علشان التعامل هناك من خلال الرقم ده
- الامتحان مدته 45 دقيقةو 36 سؤال بعدها الجهاز بيقفل بس انت الامتحان مش هياخد فى ايدك اكتر من ربع ساعة وله ايه