احمد السيد يوسف القاضى
مؤسس الموقع 
العمر : 29
رقم العضويه : 1
عدد المساهمات : 12217
تاريخ التسجيل : 19/07/2010
البلد : 
 |  موضوع: بحبك يا مصر وحفضل احبك لآخر الزمان السبت فبراير 12, 2011 3:20 am | |
| 
بحبك يا مصر وحفضل احبك لآخر الزمان
بحبك فى ليلك ولون سلسبيلك
يصحى قلوبنا ف ساعة الآذان
بحبك غناوى حكاوى وتقاوى
مع الفجر تطرح زهور الكلام
بحبك أبية مكابرة وعفية
بحبك حماس بحبك تلاقى
تدور السواقى تعلى ف لحظة شروق الاساس
بحبك عروسة حلاوة وحصان
وسبحة وطاقية وريحه غيطان
بحبك بداية ومن غير نهاية
وراحة وسماحة وزهرة وريحان
بحبك ملامح طيابة وتسامح
عيون سمر تضوى وترمى السلام
بحبك مداين وعصفور جناين
يلقط حبوبه ويرمى المحبة ف حضن الزمان
بحبك وشايفك بضحكة شفايفك
ورعشة ايديكي بتمسح دموعى
تداوى الآلام
بحبك ف فرحك
وساعة المضايق ببال حلو رايق
يساعيني قلبك ويدفى المكان
شبابك معافى ونيلك موافى بيروى جذورك
تزهر عيدان سنابل وحنه
بلح تمر حنه يحنى كفوفك
ويحكى اللى كان
بحبك خمايل واحبك ورود
واحبك نسايم واحبك بارود
بحب ابتسامتك ولون الربيع
ف حكمة مشايخ وصرخة رضيع
وقلبى شاريكي ورافض يبيع
بحبك ومهما هشوف من صدود
ح اعدى المفارق واعدى الحدود
وانام جوه حضنك يصحيني بدرك
ابوسك واشمك واضمك لصدرى
واقول عشت فيكي وتهت ف عنيكي
ودقتك حلاوة ودقتك مرار
وطرت بجناحى على رمش صاحى
طويت المداين لآخر الاوان
انا الحر دايما لقتينى اسيرك
يا ساكنه ف دمايا يا فرحى وشفايا
يا صرخة ف حاشايا بتجرى ف عروقى
يا ضى النهار__________________ :ورده: | |
|
ليالى
مشـــــــــــرفه
العمر : 28
رقم العضويه : 1420
عدد المساهمات : 51
تاريخ التسجيل : 04/02/2011
البلد :
| | موضوع: رد: بحبك يا مصر وحفضل احبك لآخر الزمان السبت فبراير 12, 2011 9:36 am | |
| ما اجمل هذه الكلمات الرائعة
تسلم يا احمد | |
|
