من احلي واجمل شعارات ثورة 25 يناير.......
ثورة ثورة حتي النصر ثورة في كل شوارع مصر
يا منتقم يا جبار فوضنال تاخد بالتار
يا سوزان خافي عليه هنجبهولك من رجليه
عسكر عسكر عسكر ليه احنا في سجن ولا ايه
يا حكومة هشك بشك بكرة الشعب ينط في كرشك
يا سوزان قوللي للبيه باع الشعب بكام جنيه
يا جمال قول لابوك الشعب المصري بيكرهوك
ارحل يعني امشي يمكن ما بيفهمشي
يا للعار ياللعار حسني بيضرب شعبه بنار
متعبناش متعبناش .. الحرية مش ببلاش
يل مبارك غور غور خلي الشعب يشوف النور
بالروح بالدم مصر بلدنا اهم
يا دي الذل يا دي العار مصري بيضرب مصري بنار
شالوا نظيف جابوا سليمان الحزب الوطني كله جبان
ثورة ثورة حتي الموت الي بيهتف مش هيموت
مش سكتين مش سكتين احنا خرجنا ومش رجعين
علوا علوا علوا الصوت الي بيهتف مش هيموت
يا أهلينا ياأهلينا لو سكتنا يدوسوا علينا
صيحي صيحي صيحي انا ابنك مسلم ومسيحي
يا مبارك يا طيار جبت منين 70 مليار
ارحل ارحل زي فاروق شعبك منك بقى مخنوق
كل ينزل من البيوت حتي يرحل في التابوت
اعتصام اعتصام حتي يسقط النظام
مبروك لمصر المجرم غادر القصر
موضوع: احلي واجمل شعارات ثورة 25 يناير 
